حبشتكنات - رضا ربيع

تحميل مجانا وقراءة اونلاين  كتاب حبشتكنات

حبشتكنات كتاب تأملى ساخر ، يطرق عدة موضوعات مختلفه بطريقه سلسله

صفحات من الكتاب

زي ما قولنا مفيش إنسان كامل و خالي من العيوب ؛ برضو مفيش إنسان خالي من المميزات ؛ بس طبيعتنا هى اللي بتعمي عنينا عن 10 مميزات مقابل عيب واحد ، تخيل لو معاك ورقه بيضه كلها بس فيها نقطة حبر سوده . الطبيعي إن النقطه السوده هى اللى هتبقى مميزه في الورقه دى ؛ و نفس الوضع بينطبق على الإنسان فعشان كدا..
◄لازم تجاهد نفسك فى البحث عن مميزات الناس اللي حوليك ؛ لإنك لما تعرف مميزاتهم هتحبهم و هتحب تتعامل معاهم 
.
◄ تعرف فلان ؟ آه ؛ عاشرته ؟ لا ؛ تبقى متعرفوش ... فبلاش تبنى فكره عن أى حد بدون ما تتعامل معاه مباشرة و تجرب بنفسك
.
◄ زي ما في عيوب قابله للاصلاح فى برضو مميزات قابله للزوال
.
◄ فى ناس بتتصنع التميز و بتكشفهم المواقف و الظروف
.
◄ فى شخصيات زي الكنز ؛ عمرك ما هتوصل لهم بالساهل
.
◄ انت مش كامل و مش فل اوبش ؛ و الناس كدا برضو
.
◄ من العدل طالما بتفتش على عيوب شريك حياتك فتش كمان عن مميزاته
.
نيجى بقى للخطوبه و الجواز تحديدا ؛ نلاقى الواحد او الواحده على استعداد ان يألف كتاب فى عيوب شريك حياته و يفتكر مواقف زي الزفت باليوم و الثانيه و الدقيقه ؛ لكن لما تسأله عن ميزه واحده تلاقيه بيدور على ابره فى كوم قش !!! كُتر تفكيرنا فى العيوب بيعمينا عن المميزات ؛ كتر نظرنا للنقطه السوده بينسينا باقي الصفحه البيضه
نصيحه للناس اللى كدا : هات ورقه و اقسمها نصين و اكتب فى الجنب الشمال العيوب و الجنب اليمين المميزات ؛ و زي ما تكتب العيوب الهايفه اكتب كمان المميزات الهايفه و شوف و هيطلع ايه ؟ و بعد كدا اقطع النص اللى فيه العيوب و ارميه و خلى النص اللى فيه المميزات معاك و حطها فى جيبك او شنطتك و بص فيها كل فتره عشان تزيخ الغيامه عن عنيك بالتدريج

رابط التحميلرابط بديل